!.. " فـضـفــضه " ..!

هاذا انا جيتك بسولف يا فهد من حر ما بي
.............................فضفضه او بوح مدري المهم جيتك وانا

ضايق(ن) بالي وصدري ما قوى يحمل صوابي..
.............................والامل ما بان نوره ولا لمحت عيني سنا
جابني يمك ثقيل الهم يوم انه دوابي ..
............................اجحده والموت كنه داخل عروقي دنا ..
استفزيت المعاني والقلم وحده درا بي ..
............................يوم بيَح من خفوقي كل ما جوفي كنا ..
والمصيبه يا فهد وشلون بشكي لك عذابي
...........................دام صار الهم شايب وصرت بعيونه ظنا ..
من بعد يوم المفارق طال ليلي والتوا بي ..
...........................كل حزن الكون فيني وزاد بي كثر العنا ..
فارقتني من تبيع الناس في رجوا لقا بي ..
............................الخطا ما هو خطاها وكنت اول من جنا ..
اعترف أني خطيت بحقها وهاذا جوابي ...
............................كان ودك بالحقيقه يا فهد خذها هنا ..
صعب تخذل من يحبك وهي اول من هقى بي ..
............................اني اجمع كل بسمه واتناصفها المنا ..
غرني طيش ومشيتها والا هو الي مشي بي ..
.........................ولا وعيت الا انهدم صرح من عشق(ن)انبنا
والله اني ما ندمت من الطفوله لـ شبابي ..
........................لين حبل الوصل شفته بوسط يدها انثنى ..
ليتها تغفر خطايا يا فهد من الي جرا بي ..
........................بعدها ما غض جفني ولا قلبي اهتنى ..
وليتها ترجع تجمع ما بقى او ما بقى بي
........................واحلف بربي ما ازعلها الى يوم الفنى ..
فيصل العدواني ..

روووووعه

صح لساانك

لاهنتي يالغلا

يعطيك العافيه